Ямарч асуудалд шалтгаан заавал байдаг. Эмчилгээний гол зорилго нь ил харагдах шалтгийг нь бус, далд байх үнэнийг нь олж харж, шалтгааныг нь зөв тодрхойлж, асуудлын үндсийг таслах явдал юм. Ингэсэн тохиолдолд тухайн хүн тэр өвчнөөр өвдөхгүй, асуудалд дахин орохгүй байх нөхцөл бүрэн бүрддэг. Жишээ нь: Бид засал эмчилгээний үр дүнг явц дунд нь тухайн хүний бие сэтгэлд заавал мэдрүүлж, хэрхэн явагдаж буйг нь таниулдаг учир эмчилгээнд хамрагдсан ихэнх хүмүүсийн амьдрал, эрүүл мэндэл, ажил төрөлд эерэг үр дүн гарсан байдаг.

Манай хамт олны 90% нь улаач нар байдаг. Тиймээс олон жилийн турш далд ертөнц, зэрэгцээ ертөнц, сүнсний ертөнцөд өөрсдөө суралцаж хөгжсөний зэрэгцээ өвдөж зовсон олон хүнд үйлчилгээ үзүүлэнгээ олон бэрх асуудлуудтай нүүр тулж, зөв оношилж, зөв анагааж чадсан арвин туршлагатай хамт олон та бүхэнд үйлчилнэ. Мөн ховсын сургалтын явцад улаач нараас сургалт, зөвлөгөө авах, засал домын үйлчилгээ, сэтгэл заслын эмчилгээ авах боломжтой.

Нарийн мэргэжилтэй, өндөр боловсролтой улаач нар хүн тус бүртэй тулж уулзан, тулгамдсан асуудлынх нь гүнд нэвтэрч, асуудлын голомт шалтгааныг гүн ухааны болоод шинжлэх ухааны төвшинд хослуулан тайлбарлах, оновчтой хариулт өгөх чадвартай.

Бидний үйлчилгээний эрхэм зорилго бол хүний сэтгэлд хүрсэн, хүсэл зорилгод нь нийцсэн чанартай үйлчилгээг зорьж ирсэн хүн бүрт үзүүлж, ховсын засал эмчилгээний дараа хүн бүр эерэг хандлага, үйлдэлтэй болж, ирээдүйдээ илүү итгэл найдвартай амьдарч, сэтгэлийн амар амгалангаа бий болгоход нь туслах явдал юм.

Техник технологи сайжран хөгжихийн хирээр хүн төрөлхтөн бид санаатай болоод санамсаргүйгээр байгаль дэлхийдээ хор хөнөөлийг ихээр учруулж байна. Манай өргөөнөөс зохион байгуулагдаж аливаа зан үйл, арга хэмжээ, тахилга нь байгальд ээлтэй байдлаар зохион байгуулагддаг. Жиш: ус, цахилгааныг гамнан хэрэглэх, хог хаягдлыг багасгах, дахин сэргээх, бус булаг шанд горхийг хамгаалах, ой мод бут, өвс ногоог ургамлыг хамгаалах гэх мэт.

Биднийг зорьж ирэхдээ хүмүүс биднээс багагүй хүлээлттэй, нэлээн найдлага өвөртлөн ирдэг. Тиймээс бид хүн бүрт тулгарсан асуудлыг мэргэжлийн төвшинд шийдэхийг зорилго болгон ажиллахаас гадна илэн далангүй нээлттэй харилцаанд эмчилгээ хийвэл өндөр үр дүнтэйг тооцож, үйлчлүүлэгч нартайгаа дулаан уур амьсгалтай орчинд ойр дотно харилцааг үүсгэн ажиллахыг хичээдэг.